У новым навучальным годзе наша група працягвае працу да далучэння выхаванцаў да беларускай мовы. У гадавым плане і планах педагогаў прадугледжаны мерапрыемствы, прысвечаныя папулярызацыі беларускай мовы:

• Вызначаны беларускамоўны дзень (кожны чацвер).
• Занятак па развіцці беларускага маўлення( 1 раз у тыдзень).
• Беларускія святы.
• Ранішнікі.
• Наяўнасць кніг розных жанраў на беларускай мове ў кутках кнігі.
• Дзіцячыя часопісы на беларускай мове.
• Выхаванне патрыятычных пачуццяў праз знаёмства з дзяржаўнай сімволікай Рэспублікі Беларусь, гістарычнымі помнікам краіны.

        Развіццё беларускага маўлення дзяцей ажыццяўляецца паэтапна, працягваецца праца з увядзеннем беларускай мовы ў розных відах дзейнасці: у нерэгламентаванай дзейнасці праслухоўванне і абмеркаванне мастацкіх твораў, удзел у беларускіх народных гульнях і т.п., адбываецца неўсвядомленае засваенне беларускай мовы. Пры ўвядзенні тэматычнай групы слоў важна ствараць праблемныя сітуацыі, якія выклікаюць у дзяцей усвядомленае жаданне даведацца, як гэта называецца па-беларуску.

       Пры ўвядзенні новага беларускага слова неабходна пазбягаць перакладу з рускай мовы, а называць прадмет, дзеянне адразу па-беларуску. Гэта садзейнічае развіццю моўна- мысліцельнай дзейнасці на беларускай мове.